10ஆம் வகுப்பு பாஸ் போதும்… ஊர்காவல் படைப் பிரிவில் வேலை…
ஊர்காவல் படைப் பிரிவில் பணியாற்ற விருப்பமுள்ளவர்களுக்கு அழைப்பு விடுக்கப்பட்டுள்ளது.
திருநெல்வேலி மாவட்ட ஊர்காவல் படைப் பிரிவில் சேர்ந்து சேவை மனப்பாண்மையுடன் பணி செய்வதற்காக ஆண்கள் மற்றும் பெண்கள் தேர்வு செய்யப்பட உள்ளனர். ஊர்க்காவல்படை பிரிவில் சேர்ந்து சேவை செய்ய விரும்பும் நபர்கள் 18 வயது பூர்த்தி அடைந்தவராகவும், 45 வயதுக்கு உட்பட்டவராகவும், நல்ல உடற்தகுதியுடனும் இருத்தல் வேண்டும்.
குறைந்தபட்சக் கல்வித் தகுதியாக 10ஆம் வகுப்பு படித்திருக்க வேண்டும். அரசுத் துறையில் பணிபுரிபவர்களாகவோ அல்லது சுயதொழில் செய்பவர்களாகவோ இருக்கலாம்.
தேர்ந்தெடுக்கப்படும் ஊர்காவல் படை ஆளிநர்களுக்குக் காவல்துறையினரால் 45 வேலை நாட்கள் ஊர்க்காவல்படை அடிப்படை பயிற்சி வழங்கப்படும். அதன் பின்னர் சேவை புரியும் காலத்தில் அழைப்பு பணி ஒன்றுக்கு ரூ.280 மட்டும் சன்மானமாக வழங்கப்படும் (அதிகபட்சமாக 10 அழைப்பு பணிகள் மட்டும்).
இப்பிரிவில் சேவை செய்ய விருப்பமுள்ளவர்கள் பயோடேட்டா, கல்வி மற்றும் வயதுச் சான்றின் நகல்கள், 2 பாஸ்போர்ட் அளவு புகைப்படம் மற்றும் சுயமுகவரி குறிப்பிட்ட அஞ்சல் அட்டையுடன் விருப்ப மனுவினையும் நாளைக்குள் (ஆகஸ்ட் 7) பாளையங்கோட்டையில் அமைந்துள்ள திருநெல்வேலி மாவட்ட ஆயுதப்படை காவல் துணைக் கண்காணிப்பாளர் அலுவலகத்தில் சமர்ப்பிக்குமாறு மாவட்ட காவல் கண்காணிப்பாளர் சிலம்பரசன் தெரிவித்துள்ளார்.
Click Here to Join:
