இவை அனைத்தும் பணம் சார்ந்த மாற்றங்கள் எனவே பொதுமக்கள் அதை பற்றி அறிந்து கொள்ள வேண்டியது அவசியம். என்னெ்ன மாற்றங்கள் என்பதை பார்க்கலாம்.
எல்பிஜி சிலிண்டர் விலை
வர்த்தக ரீதியில் எல்பிஜி சிலிண்டர்களின் விலை அதிகரித்துள்ளது. சிலிண்டர் ஒன்றுக்கு 209 ரூபாய் உயர்த்தப்பட்டுள்ளது. இதன் பிறகு டெல்லியில் இந்த சிலிண்டர்களின் விலை ரூ.1731.50 ஆக அதிகரித்துள்ளது. அதேபோல, சென்னையில் 1898 ரூபாயாக உயர்ந்துள்ளது.
GST விதிகள்
மத்திய ஜிஎஸ்டி சட்டத்தின் திருத்தத்தின்படி, இ-கேமிங், கேசினோ மற்றும் குதிரை சவாரி ஆகியவை லாட்டரி, பந்தயம் மற்றும் சூதாட்டம் போன்ற ‘நடவடிக்கை உரிமைகோரல்களாக’ கருதப்பட்டு 28 சதவீத ஜிஎஸ்டி விதிக்கப்படும். இவை அக்டோபர் 1ஆம் தேதி முதல் அமலுக்கு வந்துள்ளன.
TCS விதிகள்
(TCS) புதிய விகிதங்கள் இன்று முதல் அமலுக்கு வந்துள்ளன. நீங்கள் வெளிநாடு பயணம் செய்வதாக இருந்தாலும், வெளிநாட்டு பங்குகள், பரஸ்பர நிதிகள் அல்லது கிரிப்டோகரன்சிகளை வாங்குவதாக இருந்தாலும் அல்லது உயர் கல்விக்காக வெளிநாடு செல்வதாக இருந்தாலும் ஒரு நிதியாண்டில் உங்கள் செலவுகள் ஒரு குறிப்பிட்ட வரம்பை மீறினால், நீங்கள் TCS செலுத்த வேண்டும்.
டெபிட் கார்டு மற்றும் கிரெடிட் கார்டு!
அக்டோபர் 1 முதல் வெவ்வேறு நெட்வொர்க்குகளில் கார்டுகள் கிடைக்கச் செய்து, வாடிக்கையாளர்களுக்கு விருப்பமான கார்டு நெட்வொர்க்கைத் தேர்ந்தெடுக்கும் வாய்ப்பை வழங்குமாறு வங்கிகளுக்கு ரிசர்வ் வங்கி உத்தரவிட்டுள்ளது. அத்தகைய சூழ்நிலையில், நீங்கள் டெபிட் அல்லது கிரெடிட் கார்டுக்கு விண்ணப்பிக்கும் போது கார்டின் வகையைத் தேர்ந்தெடுக்கும் வசதி இருக்கும்.
2000 ரூபாய் நோட்டு!
இந்தியாவில் புழக்கத்தில் இருந்த 2000 ரூபாய் நோட்டுகளை திரும்பப் பெறுவதாக ரிசர்வ் வங்கி சமீபத்தில் அறிவித்தது. அந்த நோட்டுகளை வங்கிகளில் டெபாசிட் செய்ய கால அவகாசம் வழங்கியது. ரிசர்வ் வங்கியின் உத்தரவுப்படி இந்த நோட்டுகளை செப்டம்பர் 30ஆம் தேதிக்குள் சமர்ப்பிக்க வேண்டும். ஆனால் அதற்கான கால அவகாசம் தற்போது அக்டோபர் 7ஆம் தேதி வரை நீட்டிக்கப்பட்டுள்ளது.
லாக்கர் ரூல்ஸ்!
ரிசர்வ் வங்கியின் உத்தரவுப்படி, வங்கிகளில் லாக்கர் வசதியை எடுக்கும் அனைத்து வாடிக்கையாளர்களும் புதிய ஒப்பந்தத்தில் கையெழுத்திட வேண்டும். இதற்குக செப்டம்பர் 30தான் கடைசி நாள். அவ்வாறு செய்யாத வாடிக்கையாளர்கள் தங்கள் வங்கி லாக்கரைக் கொடுக்க வேண்டியிருக்கும்.
ஃபிக்சட் டெபேசிட் திட்டம்!
எஸ்பிஐ வங்கி தனது சிறப்பு ஃபிக்சட் டெபாசிட் திட்டமான ’வீகேர்’ திட்டத்தை நிறுத்தியுள்ளது. இந்தத் திட்டத்தில் முதலீடு செய்ய செப்டம்பர் 30ஆம் தேதிதான் கடைசி நாளாக இருந்தது. இது SBI வங்கியின் சிறப்பு FD திட்டமாகும். இதில் முதலீடு செய்திருந்தால் அதிக வட்டி லாபம் கிடைக்கும்.
சிறு சேமிப்பு திட்டம்!
சிறு சேமிப்பு திட்டங்களில் முதலீடு செய்பவர்கள் அதில் ஆதார் எண்ணைப் புதுப்பிக்க கடைசி தேதி செப்டம்பர் 30 ஆக இருந்தது. சுகன்யா சம்ரிதி யோஜனா (SSY), பொது வருங்கால வைப்பு நிதி (PPF) உள்ளிட்ட சிறு சேமிப்புத் திட்டங்களில் முதலீடு செய்தால் செப்டம்பர் 30ஆம் தேதிக்குள் ஆதார் எண்ணை அப்டேட் செய்திருக்க வேண்டும். அவ்வாறு செய்யத் தவறினால் கணக்கு முடங்கிவிடும்.
LIC பாலிசி!
இந்திய ஆயுள் காப்பீட்டு கழகம் (எல்.ஐ.சி.) தனது தன் விருத்தி யோஜனா திட்டத்தை நிறுத்திவிட்டது. இந்தத் திட்டம் செப்டம்பர் 30ஆம் தேதியுடன் முடிந்துள்ளது. இந்த பாலிசியை வாங்கியர்களுக்கு நிறைய பலன்கள் இருந்த நிலையில், நேற்றுடன் இந்த பாலிசி முடிவுக்கு வந்துள்ளது.
