தமிழ்நாடு அரசுப் பணியாளர் தேர்வாணையம் (TNPSC) ஆனது தமிழக கூட்டுறவுத் தணிக்கைத் துறையில் காலியாக உள்ள உதவி இயக்குநர் பதவிக்கான நேர்காணல் நடைபெறும் தேதியை தற்சமயம் வெளியிட்டுள்ளது.
TNPSC தேர்வாணையம் மூலம் 21.01.2022 அன்று தமிழக கூட்டுறவுத் தணிக்கைத் துறையில் உதவி இயக்குநர் (Assistant Director) பணிக்கென ஒதுக்கப்பட்டுள்ள காலியிடங்களுக்கான அறிவிப்பானது வெளியிடப்பட்டது.
இதனை தொடர்ந்து இப்பணிக்கான விண்ணப்பங்கள் இணையவழி மூலம் பெறப்பட்டு எழுத்து தேர்வானது 30.04.2022 அன்று நடத்தப்பட்டு முடிவுகளும் வெளியிடப்பட்டது. இந்நிலையில் இப்பணிக்கான நேர்காணலுக்கு (Oral Test Phase II) தேர்வு செய்யப்பட்ட நபர்களின் பட்டியலும், நேர்காணல் நடைபெறும் தேதியும் வெளியாகியுள்ளது.
இப்பணிக்கான நேர்காணலுக்கு தேர்வு செய்யப்பட நபர்களின் பட்டியலானது https://www.tnpsc.gov.in/ என்ற இணையதள முகவரியில் வெளியிடப்பட்டுள்ளது. மேலும் இப்பணிக்கான நேர்காணல் 23.02.2024 அன்று தமிழ்நாடு அரசுப் பணியாளர் தேர்வாணையம், TNPSC சாலை, சென்னை – 600 003 என்ற முகவரியில் நடைபெறவுள்ளது.
தேர்ந்தெடுக்கப்பட்ட நபர்களுக்கு நேர்காணல் குறித்த தகவல்கள் மின்னஞ்சல் (Email), குறுஞ்செய்தி (SMS) வாயிலாக மட்டுமே தெரிவிக்கப்படும். மேலும் தேர்வர்கள் நேர்காணலுக்கு வரும் போது தங்களது அசல் சான்றிதழ்கள் அனைத்தையும் உடன் கொண்டு வர வேண்டும் என்பது குறிப்பிடத்தக்கது.
