நகராட்சித் துறையின் தொடக்க நிலை பணிகளை டிஎன்பிஎஸ்சி மூலமே நிரப்ப வேண்டும் என்று பாமக நிறுவனா் ராமதாஸ் வலியுறுத்தியுள்ளாா்.
இது தொடா்பாக அவா் வியாழக்கிழமை வெளியிட்ட அறிக்கை:
நகராட்சி நிா்வாகத் துறையின் கீழ் செயல்பட்டுவரும் 20 மாநகராட்சிகள், 138 நகராட்சிகளில் 2,534 தொடக்க நிலை பணியிடங்கள் காலியாக உள்ளன. இவை அனைத்தும் தமிழ்நாடு அரசுப் பணியாளா் தோ்வாணையம் (டிஎன்பிஎஸ்சி) மூலம் நிரப்பப்பட வேண்டும். ஆனால், அதற்கான முயற்சிகளை மேற்கொள்ளாமல், நகராட்சி நிா்வாகமே, சென்னை அண்ணா பல்கலைக்கழகம் மூலம் எழுத்து மற்றும் நோ்முகத் தோ்வு நடத்தி தோ்ந்தெடுக்க முடிவு செய்துள்ளது.
அதற்கான நகராட்சி நிா்வாகம், குடிநீா் வழங்கல் துறையின் அரசாணை கடந்த 14-ஆம் நாள் வெளியிடப்பட்டுள்ளது. தமிழக அரசின் இந்த முடிவு முற்றிலும் தவறானது.
நகராட்சி நிா்வாகத் துறைக்கு அண்ணா பல்கலைக்கழகத்தின் வாயிலாக தோ்ந்தெடுக்கப்படவிருக்கும் 2,534 பேரும் தொடக்க நிலை பணியாளா்கள் ஆவா். டிஎன்பிஎஸ்சி மூலம் பணியாளா்களை தோ்ந்தெடுக்கும் போது முதல் தொகுதி பணிகளுக்கும், இரண்டாம் தொகுதி பணிகளுக்கும் மட்டுமே நோ்முகத் தோ்வு நடத்தப்படும். தொடக்க நிலை பணிகளுக்கு நோ்முகத்தோ்வு நடத்தப்படாது. அந்த வழக்கத்துக்கு மாறாக நகராட்சி நிா்வாகத் துறை தொடக்க நிலை பணிகளுக்கு நோ்முகத் தோ்வுகள் நடத்தப்படும் என்று அறிவிக்கப்பட்டிருப்பதன் நோக்கமே, ஆட்சியாளா்களுக்கு வேண்டியவா்களுக்கு அதிக மதிப்பெண்களை வழங்கி, அவா்களின் தோ்ச்சியை உறுதி செய்வது தான்.
எனவே, நகராட்சி நிா்வாகத் துறைக்கு 2534 பேரை தோ்வு செய்வதற்கான போட்டித் தோ்வை தமிழ்நாடு அரசுப் பணியாளா் தோ்வாணையம் வாயிலாகவே நடத்த வேண்டும். இந்தப் பணிகளுக்கு நோ்முகத் தோ்வு நடத்தக்கூடாது என்று அவா் கூறியுள்ளாா்.
Click Here to Join:
